4 შეკითხვა პარამეტრები

[death]

დამლოცეთ მამაო მე ცოდვილი

1) ბევრი იძახის რომ ადამიანის სული რომელიც ჯოჯოხეთში მოხვდება მეორედ მოსვლის დროს აღსდგება და შემდეგ მათი ნაწილი ისევ ჯოჯოხეთს დაუბრუნდება სადაც ის დაიტანჯება სამუდამოდ

ქრისტეს აქვს ნათქვამი ,,ჭეშმარიტად გეუბნები შენ იქიდან ვერ გამოხვალ, ვიდრე უკანასკნელ კონდრანტს არ გადაიხდი." მათე 5,26 ანუ ცოდვების გამოსყიდვის შემდეგ ჯოჯოხეთს თავს აღწევ.

მაინტერესებს რატომ ამბობენ მაშინ რომ უკუნითი უკუნისამდე ჯოჯოხეთში იქნები და თუ იცით ადამინის სული რომ ჯოჯოხეთიდან გამოსვლის მერე სად წავა?


2) ქრისტიანული წესის მიხედვით ის ადამინი რომელიც არ არის ნაზიარები ნათლობის საიდუმლოს ვერ ცხონდება. რატომ უთხრა ღმერთმა მასთან ჯვარზე გაკრულ ქურდს სამოთხეში მოხვედებიო ხვალვე ის ხო არ იყო მონათლული?

3) როგორც ვიცი ის 2 წლამდე ბავშვები რომლებიც ქრისტეს გამო დახოცა ჰეროდემ მოწამეებად აღირეს. როგორც ვიცი მუსლიმანთა მიერ ქრისტიანობისთვის დახოცილი ქართველი ჩვილები არ არიან წმინდანებად ნაღიარები ხომ ვერ მეტყვით რატომ?

4) წმინდა მამების წიგნებში წერია რომ როდესაც სატანა ღმერთს განუდგა მას არ ჰქონდა რანაირი შანსი მასზე გამარჯვებისა იმიტომ რომ ღმერთი უძლეველია მაშინ რატომ გააკეთა მან ეს მან ხომ ჩვნზე კარგად იცოდა ამის შესახებ?

[დეკ. ანდრია]

1) წმიდა იოანე ოქროპირის და ნეტარი თეოფილაქტე ბულგარელი განმარტებით, უფლის სიტყვები მტერთან შერიგებაზე (მთ.5,26) ეხება მიწიერ მტერთან შერიგებას. უფალი გვასწავლის, რომ უნდა ვეცადოთ არ მივიყვანოთ საქმე სასამართლომდე, არამედ შევურიგდეთ მოყვასს ღმრთის გულისათვის, სიმდაბლის და შენდობის უნარის მოსახვეჭელად. წმიდა იოანე ოქროპირი ბრძანებს, რომ ასეთი შერიგება სათნოებად შეგვერაცხება, მაშინ, როცა სასამართოს მიერ ჩვენი გამართლება უკვე არ არის სათნოება.

2) ახალი აღთქმის ეკლესიის დაბადების დღე არის სულთმოფენობა, რომელიც აღესრულა აღდგომიდან ორმოცდამეათე დღეს. მანამდე ნათლობის საიდუმლო არ არსებობდა. ავაზაკს სარწმუნოება შეერაცხა სიმართლედ. ამ სიმართლისათვის მიიღო მან სამკვიდრებელი ღმერთთან. ასევე სარწმუნეოებით ცხოვნდნენ ძველი აღთქმის წმიდანები ("ჰრწმენა აბრაჰამს ღმერთი და შეერაცხა მას სიმართლედ" (რომ.4,3))

3) რამდენადაც ვიცი, როცა დაზუსტებით ცნობილია ასეთი შემთხვევა, ხდება მოწამეთა კანონიზაცია. იქნებ დააკონკრეტოთ რომელ ჩვილებს გულისხმობთ.

4) ბოროტებას, ცოდვას ვერ ექნება რაიმენაირი ლოგიკური ახსნა; სატანაის საქციელი სცილდება გონივრულობის ყოველგვარ ზღვარს.