ჯვარი, ქრისტიანული რელიგიის სიმბოლო პარამეტრები

[marine]

"ერთხელ ხუცესმა ზაქარიამ პირში ჩაიდო ვერცხლის ჯვარი, რომელიც საკმაოდ დიდი ზომის იყო და ლოცვით მიმართა ღმერთს:

"უფალო, უფალო, შემოდი ჩემში ,შენი ჯვრის სახით; დაე, ის დადნეს ჩემს ბაგეებში, მე მას გადავყლაპავ და დაე, ჯვარმა იცხოვროს ჩემში..."

და უფალმა დაუშვა ეს სასწაული - ჯვარი მართლაც დადნა მის პირში და ხუცესმა ის, როგორც წმიდა, ნაკურთხი წყალი, გადაყლაპა".

[marine]

"ჯვარი, როგორც ქრისტიანობის სიმბოლო, ყველა ქრისტიანმა აუცილებლად უნდა ატაროს. იგი ჩვენი იარაღია, კედელია მტერთან დამცავი, დამმოძღვრელი და ნუგეშინისმცემელი ნათელია ბნელთა შორის, მკურნალია და აღამდგინებელი, ყოველივეა - ყოველთათვის.

ჯვარი ჯილდოა, რომელიც არ დაგვიმსახურებია, მაგრამ მაინც მოგვეცა, რათა ჯვარს ვაცვათ, უარვყოთ ჩვენი სულის ბნელი მხარეები. სიყვარულით, მოთმნებით უნდა ვიტვირთოთ ჩვენი სატარებელი ჯვარი, რათა ვცხონდეთ. ამისთვის საჭიროა, ვიყოთ უფლის სულიერი რჩევების, მისი სულიერი სიფხიზლის, მფარველობის ქვეშ და არ დავივიწყოთ სიტყვები: "ნეტარ არიან ყოველნი, რომელთა ისმინონ სიტყვა ღვთისა და დაიმარხონ იგი"

/დეკ. გიორგი სხირტლაძე/

[marine]

"ქრისტეს ჯვარს დიდი ძალა აქვს. როცა გამოსაცდელი მონაზონი ვიყავი, ეშმაკები გააფრთებით მებრძოდნენ - საღამოს, სენაკში ყოფნისას, გამუმდებით მიკაკუნებდნენ კარზე და ამბობდნენ: "ლოცვითა წმინდათა მამათა ჩვენთათა..." ვაღებდი კარს და, მიუხედავად იმისა, რომ არავინ იყო, შიში მიპყრობდა. მერე უკვე ადგილს ვეღარ ვპოულობდი, შეუძლებელი იყო სენაკში გაჩერება. საშინლად ვიტანჯებოდი, ვტიროდი, ვლოცულობდი, მაგრამ არაფერი. ერთ საღამოს, სერობის ლოცვის შემდეგ, მონასტერის ერთმა უხუცესმა ეზოში დამინახა და მითხრა: "შვილო, რატომ არ მიდიხარ სენაკში? ხომ ხედავ, რომ ეზოში არავინ დადის. ყველანი სენაკში არიან და ლოცულობენ". მე ტირილი დავიწყე და ვუამბე, რაც ხდებოდა. მაშინ მან ცვილში ჩადებული პატიოსანი ჯვრის ნაწილი მომიტანა და მითხრა: "შვილო, ახლა შეგიძლია მშვიდად წახვიდე შენს სენაკში". როგორც კი სენაკში წავედი და კარი ჩავკეტე, მაშინვე მომესმა მაღალ ხმაზე: "ლოცვითა წმინდათა მამათა ჩვენთათა...", "ამინ", ვუპასუხე მე. გაიღო კარი, შემოვიდა ერთი "პოლიციელი" და დაიწყო ყვირილი: "ეი, შე გაუნათლებელო, რად გინდა ეს ხის ნატეხი?" და დამცინავად ხარხარებდა. იგი ყვიროდა, მაგრამ მოახლოებას ვერ ბედავდა, რადგან პატიოსანი ჯვრის ნაწილი მქონდა. "უფალო იესო ქრისტე, შემიწყალე მე", ვთქვი მე და "პოლიციელი" კვამლივით გაქრა!"

/ღირსი პაისი ათონელი/

[marine]

"გაღვიძებისთანავე, ყველაზე უწინ, ღმერთი გაიხსენე და პირჯვარი გადაისახე"

/ოპტინელი ბერ-მოძღვრები/

[marine]

"ძილის წინ პირჯვარი აუცილებლად გადაისახე"

/ოპტინელი ბერ-მოძღვრები/

[marine]

"ჯვრის თაყვანისცემა უდიდესი ძალაა ეკლესიისა"

[marine]

"ჯვარი" ფართო გაგებით ყველა ის სირთულეა, რასაც ღმერთი ამ ცხოვრებაში გვიგზავნის"

/პროტოპრესვიტერი ოლეგ სტენიაევი/

[marine]

"ჯვარი მოქმედი საიდუმლოს გამოცხადებაა, საუკუნოდ დაფარული, მაგრამ მარადიულად ჭეშმარიტი"

/დეკ. სტივენ ფრიმანი/

[marine]

"სანამ ჯვარი მძიმეა, მანამ არის იგი საკუთარი ჯვარი. ხოლო, როცა იგი ქრიტეს ჯვრად გარდაიქმნება, მაშინ არაჩვეულებრივ სიმსუბუქეს იძენს: "უღელი ჩემი ტკბილ არს, და ტვირთი ჩემი სუბუქ არს", - თქვა უფალმა.

ქრისტეს მოწაფე ჯვარს მხრებზე მაშინ იდებს, როცა იგი თავს იმ მწუხარებების ღირსად აღიარებს, რომლებიც მას ღვთის განგებულებამ გამოუგზავნა"

/წმინდა მღვდელმთავარი ეგნატე ბრიანჩანინოვი/

[marine]

"ბერი (სქემარქიმანდრიტი ვიტალი სიდორენკო) გვიყვებოდა, თუ როგორ მოწამლეს:

- ვიცოდი, რომ საწამლავი ჩამიყარეს, მე კი ჯვარი გადავსახე, ვილოცე, თავადაც პირჯვარი გამოვისახე და დავლიე. არაფერი დამმართია. თუმცა, შემდგომში პირში მთელი ზედა აპკი ჩამომძვრა"

[marine]

"ჯვარი მარტო გარეგნულად კი არ უნდა გამოვისახოთ, - ამბობს წმინდა იოანე ოქროპირი, - არამედ ჯერ გონებაში უნდა გამოვატაროთ მთელი რწმენით... მთელი მისი ძალის, მთელი საქმის მოგონებით"

[marine]

"უნებლიეთ თვით ეშმაკნიც კი აღიარებენ, რომ ჯვრის გარდასახვა "კრავს მათ, ცეცხლივით წვავს და შორს განდევნის"

[marine]

"ყველა ნიშანთა შორის, რომელთაც ჩვენ ვატარებთ, ჯვარი პირველ ადგილზე დგას. რამეთუ მას ჯერ კიდევ ქრისტეს გოლგოთაზე ყოფნისას მიეცა ძალა, რათა განედევნა უწმინდური. გამოეჯანმრთელებინა, განეწმინდა და გაენათლებინა ადამიანები და ცხოველები, საცხოვრებლები და სახლები"

/წმ. ნიკოლოზ სერბი/

[marine]

"ჯვარი - სიმბოლოა ტანჯვაგამოვლილი სიყვარულის გამარჯვებისა"

/წმ. ნიკოლოზ სერბი/

[marine]

"მუსულმანებს ჯვრით მსვლელობები არ აქვთ, ერთხელ თურქული უღლის დროს ერთ მაკედონურ ქალაქში დაუვიწყარი მოვლენა მოხდა. საშინელი გვალვა იდგა. თურქებმა ქრისტიანებს ჯვრით მსვლელობის ჩატარება მოსთხოვეს, ხალხი მეფესა და სასულიერო პირებთან ერთად ქალაქგარეთ მდებარე წყაროებისაკენ დაიძრა. ერთ პროცესიაში - მუსულმანები, ხოლო მეორეში კი - ქრისტიანები მიაბიჯებდნენ. ლოცვები ჯერ კიდევ არ იყო ბოლომდე ჩაკითხული, რომ ცა ღრუბლებით დაიფარა და ისეთი ღვართქაფი მოვარდა, მლოცველები ერთ წამში სახლებში მიმოიფანტნენ"

/წმ. ნიკოლოზ სერბი/

[marine]

"თუკი ქრისტე თავისი ნებით ავიდა ჯვარზე და ჯვრის მიერ მოეფინა სიხარული მთელ სამყაროს, ეს ნიშნავს იმას, რომ ყველა ადამიანი, ვისაც გადარჩენა სურს, თავისი ნებით უნდა ავიდეს ჯვარზე, რომლის მიერაც უდიდეს სიხარულს მოიპოვებს"

/მიტროპოლიტი ათანასე ლიმასოლელი/

[marine]

"ტკივილის მეშვეობით აღმოვაჩენთ, რამდენად მნიშვნელოვანია ჩვენთვის ქრისტეს ჯვარი"

/მიტროპოლიტი ათანასე ლიმასოლელი/

[marine]

"მამა პავლე: ფაქტობრივად, კურთხევანში, წმინდა ხატების კურთხევის წესის დაწყებამდე, არსებობს კანონი ხატების დაწერის შესახებ. მღვდელმა უარი უნდა თქვას გამოსახულების კურთხევაზე, რომელიც არ შეესაბამება ხატწერის მართლმადიდებლურ კანონებს.

იოსები [მონრეალის ყოვლადწმიდა ღვთისმშობლის ივერიის მირონმდინარე ხატის მცველი]: იგივე ხდება ჯვრებთან დაკავშირებით. ავიღოთ სატანის მსახური - ცნობილი მომღერალი მადონა. ის ყოველთვის ატარებს ბევრ ჯვარს მთელ სხეულზე. ის ამას აკეთებს, რათა შეურაცხყოს წმინდა ჯვარი. ეს უბრალოდ მკრეხელობაა"

[marine]

"შენი ჯვარიმც მეყოს მე, უფალო, კვერთხად და საყრდენად ჩემს სავალ გზაზე!"

/წმ. ეფრემ ასური/

[marine]

"ქრისტეს ჯვრის მიღმა არ არსებობს ქრისტიანული წარმატება"

/წმინდა მღვდელმთავარი ეგნატე ბრიანჩანინოვი/