არქიმანდრიტმა შიომ საპატრიარქოსგან, გაფრთხილება მიიღო! პარამეტრები

[benediqt]

„ვისაც არ უყვარს პრეზიდენტი, არის ეშმაკი...“ - შავნაბადას არქიმანდრიტმა ამ სიტყვების გამო საპატრიარქოსგან გაფრთხილება მიიღო

„შავნაბადას მამათა მონასტრის წინამძღვარი, არქიმანდრიტი შიო გაბრიჭიძე ერთ-ერთი ქადაგებისას მრევლს მიმართავს: „ვისაც პრეზიდენტი არ უყვარს, არა ვნახო აქ შემოსული... მე არანაირი ეშმაკები აღარ ვნახო მომავალ წირვაზე... ვისაც არ უყვარს პრეზიდენტი., არის ეშმაკი...“ - მამა შიოს ქადაგების ეს ნაწილი სოციალურ ქსელ „ფეისბუქში“ გავრცელდა.

პატრიარქის მდივანი მამა მიქაელ ბოტკოველი კი ამბობს, რომ ეს ამბავი ადრე მოხდა და მსგავსი განცხადებები, თან ამბიონიდან, მიუღებელია, - ასეთი ქადაგებები ეკლესიას სახელს უტეხს და ამიტომაც მონასტრის წინამძღვარმა გაფრთხილება მიიღო. მისივე განმარტებით, ანალოგიური ქადაგებები ადრეც ყოფილა და არა მარტო მღვდლებში, მღვდელმთავრებშიც კი და მსგავს განცხადებაზე მღვდელმსახური შენიშვნას აუცილებლად იღებს პატრიარქისგან“, - წერს გაზეთი „რეზონანსი“.

„ცნობისთვის, შავნაბადას წმინდა გიორგის მონასტრის წინამძღვარი მამა შიო ქადაგებისას ამბობს, რომ პრეზიდენტი უფროსად დააყენა ღმერთმა - „თუ საჭიროა, სიკვდილით უნდა ვპასუხობდეთ იმას, რომ იდიდოს ჩვენი სამშობლოს სახელი, იდიდოს ჩვენი პრეზიდენტის სახელი და ვისაც პრეზიდენტი არ უყვარს, არა ვნახო აქ შემოსული, იდიდოს ჩვენი პატრიარქის სახელი, იდიდოს ჩემი სახელი, იდიდოს თქვენი მამის სახელი. მე არანაირი ეშმაკები აღარ ვნახო მომავალ წირვაზე... ვისაც არ უყვარს პრეზიდენტი, არის ეშმაკი, ვაცხადებს და ვწერ პირჯვარს, რომ გამოსწორდეს, დაანებოს მაიმუნობას თავი, ის უფროსად რომ დაგიყენა ღმერთმა, ის არის შენი მარჩენალი... ისრაელში შვილის ურჩობა სიკვდილით ისჯება“, - აღნიშნავს ქადაგებისას მამა შიო, რომლის განცხადებით, „ახლა რომელი სულელი იქნება, რომ სახელმწიფოს მეთაური იყოს და არ უყვარდეს თავისი საქმე, არ უნდოდეს ყველაზე კარგი სახელმწიფო მეთაური იყოს, არ უნდოდეს რომ მისი საქმიანობა დავით აღმაშენებლის საქმიანობას შეადარო?!“ - აღნიშნავს გამოცემა.

„ზოგიერთი მღვდელი თუ მღვდელმთავარი, ვიდრე სასულიერო პირს ეკადრება, იმაზე მეტად არის განწყობილი ხელისუფლების საამებლად, მაგრამ ამბიონიდან ასეთი რამის ქადაგება არ შეიძლება. რელიგია პოლიტიკისგან გამიჯნული უნდა იყოს და მსგავსი განცხადების გაკეთება არ შეიძლება. მრევლის ასე დაყოფა, ასეთი განცხადებების გაკეთება ეკლესიისთვის მიუღებელია და ასეთ პოზიციას ნამდვილად ვერ გავიზიარებთ. ეს განცხადებები ეკლესიის პოზიცია არ არის, ეს მხოლოდ ერთი კონკრეტული სასულიერო პირის პოზიციაა და და მსგავსი განცხადებების გამო ყველა სასულიერო პირი პატრიარქისგან შენიშვნას იღებს. ეკლესიისთვის ასევე მიუღებელი იქნებოდა, რომელიმე მღვდელს ექადაგა, ვინც ხელისუფლებასთან თანამშრომლობს, ის ტაძარში არ უნდა შემოვიდესო“, - აცხადებს გამოცემის კორესპონდენტთან საუბრისას მამა მიქაელ ბოტკოველი.

http://ick.ge/ka/rubrics/society/10144-201...3-13-55-07.html

ვიდეო: http://www.youtube.com/watch?v=kcRcSp8nuwM&feature=related

[George Leluashvili]

ძალიანაც კარგი.

მე ველოდი, რომ მამა შიოს ამ სიტყვებს რეაგირება მოყვებოდა საპატრიარქოსგან და ასეც მოხდა.

კარგია, ზოგიერთები ჭკუას ისწავლიან.

[მონა უფლისა]

ჩემი აზრით ასეთი ადამიანები საერთოდ უნდა მოიკვეთონ ეკლესიიდან!!!ვიცი რომ ეს ჩემი საქმე არაა და საპატრიარქოში უკეთ იციან როგორ მოიქცენ მაგრამ მე ასე ვფიქრობ
ჯერ როგორ შეიძლება ვინმეს ეკლესიაში შესვლა აუკრძალო და მერე ისიც რის გამო?

[George Leluashvili]

ჩემი აზრით ასეთი ადამიანები საერთოდ უნდა მოიკვეთონ ეკლესიიდან!!!ვიცი რომ ეს ჩემი საქმე არაა და საპატრიარქოში უკეთ იციან როგორ მოიქცენ მაგრამ მე ასე ვფიქრობ
ჯერ როგორ შეიძლება ვინმეს ეკლესიაში შესვლა აუკრძალო და მერე ისიც რის გამო?

საერთოდ ეკლესიიდან განკვეთა ამ შემთხვევაში კარგს ვეაფერს მოიტანს.
შესაძლოა პიროვნებამ სინანულის ნაცვლად ბრძოლა გამოუცხადოს დედაეკლესიას და უკიდურეს შემთხვევაში მისი მტერი გახდეს, რაც მიუტევებელ ცოდვას წარმოადგენს.

ამიტომ, მამა შიოს მიეცა გაფრთხილება და იმედია დაფიქრდება, მიხვდება შეცდომას და გამოასწორებს.
დარმუნებული ვარ მისი განკვეთის შემთხვევაში კიდევ ერთი სასულიერო პირი შექმნიდა თავის ეკლესიას ცალკე.

ახლა კი საშუალება აქვს კვლვ განაგრძოს მღვდელმოქმედება საქართველოს ეკლესიაში და ჩვეულებრივ იმსახუროს.

[A.V.M]

რამდენიმე დღის წინ ვიყავი შვიდგზის ზეთისცხებაზე.
რომლის შემდეგაც ტრაპეზზე დავრჩი მოძღვრებთან ერთად და ამ თემაზე საკმაოდ დიდხანს იყო საუბარი.

საპატრიარქომ ჩემზე კარგად იცის რა უნდა გაააკეთოს.

შესაძლოა პიროვნებამ სინანულის ნაცვლად ბრძოლა გამოუცხადოს დედაეკლესიას და უკიდურეს შემთხვევაში მისი მტერი გახდეს, რაც მიუტევებელ ცოდვას წარმოადგენს.

ასეთები ბევრი ვიცით მე დ შენ გიო...

[George Leluashvili]

A.V.M

ასეთები ბევრი ვიცით მე დ შენ გიო...

რაოდენ სამწუხაროც არ უნდა იყოს...

[ნაინა]

ეს ყველაფერი გასაგებია, მაგრამ ჩვენ რას განვიხილავთ აქ, ეგაა საინტერესო.
მამა შიოს საქციელს მოჰყვა რეაგირება საპატრიარქოსაგან.
იმედია რომ გაფრთხილება იქნება გათვალისწინებული.
ჩვენ რა ვქნათ ეხლა? ,,დედა, ეს რა უქნია და როგორ გაბედაო'' ვწეროთ ყველამ სათითაოდ?
ისიც გასაგებია, რომ არიან მოძღვრები, რომელთაც შეუძლიათ დითირამბები უმღერონ დღევანდელ ხელისუფლებას.
ასევე არსებობენ საპირისპირო აზრის მქონენიც, რამდენი ადამიანიცაა ქვეყანაზე, იმდენი აზრი არსებობს,
აზროვნებას ვერავის დაუშლი.
მთავარი ისაა, რომ საპატრიარქო გამოეხმაურა საკითხს და აღნიშნულმა მოძღვარმა გაფრთხილებაც მიიღო.
თემა კი ჩემი აზრით ინფორმაციული ხასიათისაა, ავტორმა დაწერა, ჩვენ გავეცანით.
ვფიქრობ ზედმეტი განხილვა საჭირო არაა, დასკვნები ჩვენთვის გავაკეთოთ.
თემის ღიად დატოვების აუცილებლობასაც ვერ ვხედავ, დიდი ეჭვი მაქვს, რომ განხილვა განკითხვაში გადაიზრდება.

ასე რომ იხურება.