ქრისტიანული სექტები, და მართლმადიდებელთა ურთიერთობა მათთან პარამეტრები

[marine]

"იეღოველებსა და სხვა ერესის მიმდევრებზე მამა გაბრიელი [აღმსარებელი და სალოსი] ამბობდა: ისინი ხილული ეშმაკები, სატანის მიმდევრები არიან, მაგათთან კამათი როგორ შეიძლებაო. როგორც სახარებაში წერია "ნუ მისცემთ სიწმიდესა ძაღლთა, ნუ დაუფენთ მარგალიტსა თქვენსა ღორთა, ნუუკუე დასთრგუნონ იგი ფერხითა მათითა". და დასძენდა: "ღმერთი აერთებს, ეშმაკი განაბნევს".

/იღუმენია ქეთევანი (კოპალიანი)/

[marine]

"აი, კიდევ მაგალითი - ეს შემთხვევა ჩვენს მხარეში ერთ ახალგაზრდა ქალს შეემთხვა. მოხდა ისე, რომ ის და მისი და-ძმა იეღოველებმა აცდუნეს და უკვე მათთან შეერთებას აპირებდნენ. სექტანტების ცრუ სწავლებას მიენდნენ და წმინდა ხატებს ურწმუნოდ და ჯეროვანი პატივისცემის გარეშე ეპყობოდნენ.

ეს რომ შევიტყვეთ, შევეცადეთ ამ ღვთისმგმობი გატაცებისგან თავის დაღწევაში როგორმე დავხმარებოდით. მათ დიდი ზომის მაცხოვრისა და ღვთისმშობლის ხატები (ნაბეჭდი, საპატრიარქოს მიერ გამოცემული) გადავეცით. მართლმადიდებლური ხატების თაყვანისცემის აუცილებლობის, იესუს ლოცვის, "მამაო ჩვენო..." "ღვთისმშობელო ქალწულო..." და სხვა უმთავრესი მართლმადიდებლური ლოცვების შესახებ ვესაუბრეთ. დიდება ღმერთს, რამდენიმე საუბრის შემდეგ ეს ადამიანები მართლმადიდებელი ეკლესიის წიაღს დაუბრუნდნენ.

რამდენიმე ხნის შემდეგ ისევ ჩამოვედით სოფელში და ქალმა მის თავს მომხდარი ასეთი ისტორია გვიამბო: "ერთ საღამოს დაახლოებით ათი ადამიანი სამზარეულოში ვისხედით. კავკასიაში არსებობს ასეთი ჩვეულება: საღამოობით ნათესავები, ნათესავები, მეზობლები, მეგობრები, ნაცნობები სამზარეულოში, ანთებულ ღუმელთან იკრიბებიან და საუბრობენ. ასე ვსაუბრობთ, მე კი ხატებს შევყურებ და შინაგანად ვლოცულობ, იესუს ლოცვას ვამბობ. უეცრად ვეღარ ვხედავ და არც მესმის რაიმე, ხოლო ლოცვა დამიტკბა და სიამეს მგვრიდა. უეცრად ფანჯრის იქით ხმა გაისმა:

- უ-უ-უ! ქრისტიანებო, ვის მიმართ ლოცულობთ!.. ქაღალდს ევედრებით! ლოცვით ვის მიმართავთ!...

შევკრთი, მივიხედ-მოვიხედე, - მეგონა ეს ხმა ყველამ გაიგონა.

- რაიმე გაიგონეთ? - ვეკითხები.

- არა, არაფერი გაგვიგია. რა მოხდა?

- და მივხვდი, ჩემ გარდა ეს ხმა არავის სმენია".

აი, ერში მცხოვრები ქალის მაგალითი, რომელსაც გულწრფელად სურდა ყურადღებით ელოცა და მიეცა კიდეც. უფალმა უშურველად მიანიჭა მას ამგვარი ლოცვითი გამოცდილება. ხოლო გაავებულმა ეშმაკმა, რომელიც მასზე იმის გამო გაბოროტდა,რომ იეღოველთა საცდურს დაეხსნა და თვით სამზარეულოს ხმაურშიც გულმოდგინედ ლოცულობდა, თავისი ღვთისმგმობი შეძახილით მისი ლოცვის დარღვევა სცადა. რა თქმა უნდა, ეს ღმერთის ნებით, ამ ქალის რწმენის გასაძლიერებლად მოხდა".

/მღვდელმონაზონი კონსტანტინე (კოვალჩუკი)/

[marine]

"ერთი სექტანტი მეუბნებოდა, რომ მათ მთელი წმინდა წერილი ზეპირად იციან. თუმცა მათი ცოდნის არ მიკვირს: ფარისევლებმაც მთელი წერილი ზეპირად იცოდნენ, მაგრამ არ ცხოვრობდნენ წერილის მიხედვით და ვერ შეიმეცნეს ჭეშმარიტება, უფალი ჯვარს აცვეს"

/ღირსი იოანე ბალაამელი/

[marine]

"ქართველი ადამიანი არავითარ შემთხვევაში არ უნდა გახდეს იმ სექტების წევრი, რომლებიც ასე უხვად შემოდიან დღეს ჩვენს ქვეყანაში. ეს არის განსაცდელი, ჩვენი გამოცდა. ეს უნდა გვახსოვდეს. ქართველი კაცი თუ უღალატებს უფალს, იგი აუცილებლად დაისჯება. ღმერთმა გვაშოროს ეს!"

/კათოლიკოს-პატრიარქი ილია II/

[marine]

"მე მომეცა შესაძლებლობა, სამი თვის განმავლობაში ინკოგნიტოდ მევლო ბაპტისტთა შეკრებებზე იმ მიზნით, რომ შემესწავლა სექტანტები მათზე უშუალო დაკვირვებით, რადგან ეს მესაჭიროებოდა, როგორც ეპისკოპოსს.

მათი მრავალი ქადაგება მოვისმინე, მაგრამ არცერთი არ შეეხებოდა სინანულსა და თავმდაბლობას"

/წმ. ლუკა ვოინო-იასენეცკი/

[marine]

"გეშინოდეთ სექტანტების, საჩუქრები რომ მოაქვთ, განერიდეთ მათ ცეცხლის მსგავსად. ისინი მატერიალურს იძლევიან, რათა სულიერი წაგვართვან: უფასო ბროშურებით გვირყევენ სინდისს, ნასუფრალით ხალხში განხეთქილებას იწვევენ და ზოგიერთებს ერთმორწმუნე ძმებისაგან განაშორებენ"

/წმ. ნიკოლოზ სერბი/

[marine]

"იეღოველთა საწინააღმდეგოდ ბერი პორფირე ამბობდა: "იეღოვას საწყალი ცრუმოწმეები... ღმერთმა შეუნდოთ! ქრისტიანთაგან ზოგი აღშფოთებულნი არიან მათით, ზოგნი გაუთავებლად კინკლაობენ მათთან და ლანძღავენ. ზოგნი სასამართლოში უჩივიან; მაგრამ ასე ვერაფერს გავხდებით, ვერ დავამარცხებთ მათ. ამას მხოლოდ სულიწმიდის მადლით განათლებულნი თუ შევძლებთ"

[marine]

"მამა შიო [ხარძეიშვილი] ძალიან მიმტევებელი იყო, სექტანტებსაც კი არ ეჩხუბებოდა. ერთხელ იტრიის ტაძარში იეღოველები შემოვიდნენ, ხელში სტოკჰოლმის სახარება ეჭირათ და ისე გაკადნიერდნენ, რომ მამასაოც კი უქადაგებდნენ. მამაომ უთხრა: თქვენ რა უნდა აგიხსნათ, ხელში სახარება და ჯვარი გიჭირავთ და ამასაც ვერ ხვდებითო (სახარებაზე ჯვარი იყო გამოსახული)"

/იღუმენია ევგენია (ჟორდანია)/

[marine]

"იეღოვას მოწმეებს ეკრძალებათ: სისხლის გადასხმა (სასიკვდილო საფრთხის შემთხვევაშიც კი), ჯარში სამსახური, არჩევნებში მონაწილეობა და პოლიტიკურ პარტიებში გაწევრიანება, ფიცი, ახალი წლის, დაბადების დღის აღნიშნვა, ნებისმიერ ეროვნულ და სახელმწიფო დღესასწაულში მონაწილეობა, ეროვნული სიმბოლიკის (დროშა, გერბი, ჰიმნი) პატივის მიგება და ა.შ.

ისინი ასწავლიან, რომ "მთელი მსოფლიოს მთავრობები ეშმაკის საკუთრებაა" და "სატანა-ეშმაკი მართავს ყველა ამქვეყნიურ მთავრობას", მაგრამ მიუხედავად ამისა, ისინი უარს არ ამბობენ ამ "სატანური მთავრობებისგან" რეგისტრაციასა და აღიარებაზე შეუზღუდავი საქმიანობისა და საგადასახადო შეღავათებისთვის.

ამასთან, რამდენიმე ქვეყნის მთავრობაში იეღოვას მოწმეთა სექტის წარმომადგენლები მაღალ თანამდებობებსაც კი იკავებენ და მათ დოქტრინასთან შეუთავსებლობის გამო რაიმე უხერხულობას არ გრძნობენ"

[marine]

"სექტანტობის ნაყოფი ძალზე სევდიანია. სულიერი რღვევა, ფსიქიკური აშლილობა, მატერიალური დანაკარგები და ჯანმრთელობის შერყევა - ასეთია ხშირად მწარე შედეგი. სამწუხაროდ, გზააბნეულ სულთა ამ ჭაობიდან ამოთრევა არც იოლია და არც ყოველთვის შესაძლებელი"

/მართლმადიდებელი ექიმი-ფსიქიატრი, ფსიქოთერაპევტი, მედიცინის მეცნიერებათა კანდიდატი დიმიტრი ავდეევი/