რატომ არ დღესასწაულობენ მართლმადიდებლები ახალ წელს?, რატომ არ დღესასწაულობენ მართლმადიდებლები ახალ წელს? პარამეტრები

[marine]

"აი, ისევ ახალი წელი! კვლავ სურვილები და იმედები"

/წმ. იოსებ ისიქასტი/

[marine]

"ქრისტეს შობიდან ავითვლით ჩვენ წელთაღრიცხვას, ანუ ახალი წელი იწყება ქრისტეს შობის შემდეგ. ეს უნდა ისწავლოს ყველა მართლმადიდებელმა ქრისტიანმა. უნდა დაუბრუნდეს ამ დიდ ჭეშმარიტებას. მინდა მოგილოცოთ ეს დღე; მრავალს დაგასწროთ ღმერთმა და გაგაძლიეროთ"

/მიტროპოლიტი ილარიონი (ქიტიაშვილი)/

[marine]

"დაე, მომავალი წელი, ჩვენთვის და ჩვენი ცხონებისათვის, განკაცებული ღმერთის სიტყვის სათნოჩენითა და მადლით, იყოს მშვიდობის, სიყვარულის, ურთიერთსოლიდარობისა და უფლისმიერი სიტკბოს ჭეშმარიტი წელიწადი.

მრავალი კურთხეული წელი!"

/მსოფლიო პატრიარქი ბართლომე/

[marine]

"ბედნიერი მაშინ კი არ იქნება წელიწადი, თუ პირველ დღეს დათვრები, არამედ მაშინ, თუ პირველ დღესაც და ყოველდღიურადაც ღვთისთვის სათნო საქმეს გააკეთებ"

/წმ. იოანე ოქროპირი/

[marine]

ახალ 2024 წლის დადგომას გილოცავთ, ფორუმო და ფორუმელებო რა ვისურვო? მთელი ეს წელი ყოფილიყოს ამ ფორუმზე ფორუმელთა დაბრუნების, აქტიურობის, ბევრი შინაარსიანი პოსტების და ერთმანეთის სიყვარულის წელი!!! მრავალს და მრავალს!!!

ძალიან მომეწონა FB-ზე ჩვენი აფხაზის სიტყვები და მინდა, თქენც გაგიზიაროთ:

"ვფიქრობ არავის საქმე არაა ვინ როგორ შეხვდება ახალ წელს. ვიღაცას საერთოდ არ მიაჩნია ეს დღე რამედ და ესეც მისი საქმეა. ვიღაც ზეიმობს და ამაშიც თავისუფალია. ვიღაცას ფიქრობს, რომ მუხლმოყრილი ლოცვით უნდა შეხვდეს 12 საათს, ესეც მისი არჩევანია, ვიღაც მაგიდაზე დახვავებული საკვებით ხვდება 2024-ს და აქაც თავისუფალია არჩევანში. ყველა შემთხვევაში ჩვენ არავინ გვეკითხება ვინ რამდენს დახარჯავს ამ დღეებში და ვინ როგორი განწყობით იქნება. ყველამ საკუთარ თავს მივხედოთ და საჯარო "ქადაგებებს" მოვრჩეთ - "არიქა მარხვაა და რა გვეზეიმება" და ა.შ. მარხულობ, იმარხულე, სხვისგან რა გინდა? რატომ აქვს ზოგს პრეტენზია, რომ როგორც ის ფიქრობს სხვებიც ანალოგიურად უნდა ფიქრობდნენ და იქცეოდნენ? ამ სტრესულ ცხოვრებაში ძლივს ერთი რაღაც განტვირთვის დღეა და დააცადეთ ხალხს როგორც უნდათ ისე მოიქცნენ.
ნუ ერთი რაცაა ასტროლოგებს ვერ ვიტან, მარა ვინც იტანს ესეც მათი საქმეა."

[marine]

"ხაზგასმით აღსანიშნავია ისიც, რომ არცერთ წმინდა მამას, არც XVI ს-მდე (ანუ ახალი სტილის შემოღებამდე) და არც მის შემდეგ, იულიუსის კალენდრის უნივერსალურობის გამო, მისი შეცვლის აუცილებლობის შესახებ საკითხი არასდროს დაუყენებია.

რაც შეეხება საერო ახალი წლის თარიღს, იგი ყველა ქვეყანაში და ყოველთვის ხელისუფალთაგან დგინდებოდა და სხვადასხვა ეპოქაში სხვადასხვა დროს აღინიშნებოდა. რამდენიმე საუკუნეა, რაც ქვეყნების უდიდესი ნაწილი ამ თარიღს 1 იანვარს დღესასწაულობს, მათ შორის საქართველოც, რასაც რელიგიური დატვირთვა საერთოდ არა აქვს. ამდენად, ბუნებრივია, რომ 1 იანვარი ეკლეიისთვისაც ახალი კალენდარული წლის დასაწყისია და მისი დაკავშირება შობის დღესასწაულთან ან სხვა რელიგიურ ზეიმთან შეცდომაა".

/კათოლიკოს-პატრიარქი ილია II/

[marine]

"კურთხეულია შენთვის დამდეგი წელი!"

/წმ. ნიკოლოზ სერბი/

[marine]

"ახალი წელი იქნება გამარჯვების, მშვიდობისა და თავისუფლების წელი. შევხდეთ ერთად!", - ასე ეხმაურება საქართველოს პრეზიდენტი, სალომე ზურაბიშვილი „ფეისბუქზე“ დაანონსებულ საახალწლო პროტესტთან დაკავშრებულ აქტივობას.

სოციალურ ქსელში მოქალაქეების ორგანიზებით, 31 დეკემბერს 23:00 საათზე „ახალი წლის ჯადოსნური საპროტესტო ღამეს“ იგეგმება.

მოქალაქეები რუსთაველის გამზირზე, პარლამენტის შენობის წინ აპირებენ შეიკრიბებიან.

„ამ ქვეყანაში მხოლოდ ჩვენ ვართ ლეგიტიმური - ქართველი ხალხი“, - წერია ღონისძიების აღწერაში."

https://www.palitravideo.ge/video/174273-sh...obas-exmaureba/

[marine]

"მსწრაფლწარმავალი დრო წლის დასასრულთან არის მისული, მალე ამ ზღვარსაც გადალახავს და განვლილი წელიც, რომელშიც ვცხოვრობდით, გადაინაცვლებს გარდასულ, შემოუქცეველ წელთა რიცხვში. წელს მომხდარი უამრავი მოვლენიდან ზოგი შევა ისტორიაში, როგორც კაცობრიობის არსებობისთვის მნიშვნელოვანი თარიღი, ზოგი ადამიანთა მეხსიერებას შემორჩება ათეული წლები, ზოგი კი ეხსომებათ მხოლოდ რამდენიმე წელს და ზოგი კიდევ უფრო ნაკლებ ხანს იქნება ადამიანთა ხსოვნაში. უმეტესობა კი დაინთქმება, ჩაიძირება და გაქრება დავიწყების ოკეანეში.

როგორ სწრაფად განვლო გასულმა წელმა, ასევე სწრაფად გაივლის დამდეგი წელიც, ერთმანეთის მონაცვლეობით ჩაიქროლებენ და გაქრებიან შემდგომი წლებიც და ჩვენც შეუმნევლადვე მარადისობის ჭიშკარს მივადგებით"

/მიტროპოლიტი ზოსიმე (შიოშვილი)/

[marine]

"თუკი შენ გსურს, ამ თვის პირველი დღიდანაც სარგებლობა მიიღო, მაშინ ასე მოიქეცი: როდესაც წლის ბოლოს მიაღწევ, მადლობა შესწირე უფალს, რომ მიგაწია წელიწადების ამგვარ წრებრუნვას, გულის-შემუსვრილებით, გამოთვალე წლები შენი სიცოცხლისა, საკუთარ თავს უთხარი: დღეები მიფრინავენ, წლები ილევა... რა სიკეთე გვაქვს გაკეთებული?.. ესრეთ სიბრძნისმეტყველებამდე თვეთა დასაწყისში, ამას მოიგონებდე წელიწადთა წრებურნვაში...

დღეებს ყურადღებას აქცევდე, ქრისტიანულ სიბრძნეს არ შეეფერება, წარმართული ცდომილებისათვის არის დამახასიათებელი... მართლაც, ქრისტიანისათვის გასაკვირველი და მიუტევებელია, განსაკუთრებულ კეთილდღეობას ელოდოს მთელი წლისაგან იმისდა მიხედვით, თუ როგორ შეხვდა ახალ წელს, ავიწყდება რა, რომ ჭეშმარიტი ბედნიერება და კეთილდღეობა დროთა ბრუნვაზე კი არაა დამოკიდებული, არამედ ღვთის ნებაზე და ჩვენი საქმიანობის ხასიათზე; მიუტევებელია, ახალ წელს ხმაურიანი ღრეობით შევხვდეთ, საღამოდან გვიან ღამემდე, რაც პირწმინდად წარმართული ჩვეუელბაა და სამარცხვინოა ღვთისმოსავი ქრისტიანისთვის... ამგვარი რამ არა მარტო ღვთისმოსაობის არქონაზე მიუთითებს, არამედ ქრისტიანობასა და ეკლესიასაც ეწინააღმდეგება"

[marine]

"სრულიად სხვაგვარი დამოკიდებულება გვაქვს ახალი წლისადმი მართლამდიდებელ ქრისტიანებს. ჩვენ ღმრთის სიტყვას და ეკლესიის წმინდა მამებს ვუჯერებთ, ამიტომ ახალი წლის დადგომა ჩვენში არა მხიარულებას, არამედ სერიოზულ ლოცვით განწყობას ქმნის, რადგან ვიცით, რომ ყოველი ახალი წლის დადგომა გარდაუვალ მიწიერ აღსასრულთან გვაახლოვებს, რასაც ღმრთის წინაშე ჩვენი მიწიერი ცხოვრების გამო პასუხისგება, ანუ ე.წ. "პირადი სამსჯავრო მოჰყვება", ხოლო ამქვეყნიური ხრწნადი სამყარო კი თავის დასასრულს და მარადიულობას მიუახლოვდება, როცა "ჟამი არღარა იყოს".

მაშინ მთელი კაცობრიობა უკანასკნელი საშინელი სამსჯავროს წინაშე წარდგება, როცა ყოველი ადამიანი საკუთარი საქმეებისგან ან განმართლდება, ან დაისჯება, და "ახალი ცა" და "ახალი დედამიწა" გამოჩნდება, სადაც ნათელი დამკვიდრდება. განა გვაქვს თუნდაც უმცირესი საბაბი იმ აღვირახსნილი მხიარულების და ხელში ღვინის ბაკლებით ცეკვისთვის, რომელსაც ჩვენს დროში აწყობენ ახალი წლის შესახვედრად? ამ მხიარულებაში ხშირად სერიოზული ადამიანებიც იღებენ მონაწილეობას, რომლებიც უეცრად ყოველგვარ თავშეკავებას კარგავენ და ქარაფშუტა გიჟმაჟებივით იქცევიან.

განა ეკადრება ეს ქრისტიანის მაღალ წოდებას? ყოველი ჭეშმარიტი ქრისტიანისთვის ნათელი უნდა იყოს, რომ ახალი წლის ერთადერთი დასაშვები და ნორმალური აღნიშვნა ესაა მისი ლოცვით შეხვედრა. მით უმეტეს, რომ ჯანმრთელი და ნათელი გონებისთვის ყოველ ახალ წელს სულ უფრო ცხადი ხდება, რომ კაცობრიობა პროგრესისკენ კი არა, პირიქით - რეგრესისკენ მიექანება. განა პროგრესი საყოველთაო კეთილდღეობა და კარგი ცხოვრება, ან ყოველგვარი უცნაური მანქანებისა და ხელსაწყოების გამოგონება და ადამიანების მთვარეზე და სხვა პლანეტაზე გაფრენაა? განა ეს ადამიანის სულს კეთილდღეობას და სულიერ კმაყოფილებას მიანიჭებს?"

/მთავარეპისკოპოსი ამბერკი (ტაუშევი)/