 პოეზია |
სტუმარს სალამი ( შესვლა | დარეგისტრირება )
  |
| *ნინო* |
 May 3 2008, 10:28 PM
პოსტი
#1047
|
 Member  ჯგუფი: Members პოსტები: 836 რეგისტრ.: 16-November 07 წევრი № 3,193  |
მე თუ ფერმკთალი ვარ,შენთვის გავწითლდები
და თუ ამაყი ვარ,შენთვის ავტირდები მე თუ პატარა ვარ,შენთვის გავიზდები და თუ ჭკვიანი ვარ ,შენთვის გავგიჟდები და თუ გავგიჟდები,ამას დაკპირდები თუ კი შემიყვარებ,ფეხქვეშ გაგეგები შენს თავს გეფიცები... თუკი შექცივდება,მაში მზე ვიქნები სიცხე შეგაწუხებს?მაშინ ზღვა ვიქნები ჩემით გათბები და ჩემით გაგრილდები სხვა შეგიყვარდება?შენ ნუ დაფიქრდები იბედნიერე და მსხვერპლი მე ვიქნები |
   |
 
|
| nino_ni |
May 3 2008, 10:47 PM
პოსტი
#1048
|
 nino ჯგუფი: Members პოსტები: 1,653 რეგისტრ.: 22-March 08 მდებარ.: tbilisi წევრი № 4,293 |
ძნელია როცა ტირილი გინდა,
ძნელია როცა ტირილს ვერ ბედავ, ძნელია როცა სიცილი გინდა, და ამ სიცილის მიზეზს ვერ ხედავ. ძნელია როცა შენ გული გტკივა, რომ ვეღარა გრძნობ ვერავის სითბოს, ძნელია როცა ხელებზე გცივა და ლამაზ ხელებს არავინ გითბობს. ძნელია როცა თვალები სველი, ვერ იძინებენ, არ წყდება თოვა, ძნელია როცა ვიღაცას ელი და თან იცი რომ ის აღარ მოვა.......   -------------------- სინანული კიბეა, რომელსაც ავყავართ იქ, საიდანაც ჩამოვცვივდით./წმ. ეფრემ ასური/
შესაძლოა დიდი ხანია ის ხეები იზრდება, რომლისგანაც ჩვენი კუბოს ფიცრები გამოითლებიან./ეფრემ ასური/ |
|
|
|
| Amuza |
May 3 2008, 11:42 PM
პოსტი
#1049
|
 გიორგი ჯგუფი: Members პოსტები: 4,040 რეგისტრ.: 15-January 08 მდებარ.: GSE წევრი № 3,638 |
* * * ბედმა უცნობი გზით გამაქანა, თქვენ დარჩით შორი… ცაზედაც შორი… და, როგორც კარტში აგურის ქალებს გქონდათ ქერა თმა და ყელი ბროლის. მე გპირდებოდით, რომ დავბრუნდები, რომ თქვენი თმები დამაბრუნებენ, მაგრამ დღეები, როგორც ქურდები ჩემს შეპირებას ანადგურებენ. და სადმე ტყვია თუ გააციებს გულს საშინელი განადგურებით, თქვენ მაპატიეთ, ჰო, მაპატიეთ, დანაშაული არდაბრუნების. ყველა სენტიმენტალურს -------------------- ღვინო ახალისებს, გულს კაცისასა!
|
|
|
|
| *ნინო* |
May 3 2008, 11:59 PM
პოსტი
#1050
|
|
Member ჯგუფი: Members პოსტები: 836 რეგისტრ.: 16-November 07 წევრი № 3,193 |
მე ვაგვირგვინებ ყველას სიყვარულს
არ მინდა ვინმე ეული ვნახო მე სიყვარულის ელექსირს არ ვფლობ მე სიყვარულის მეფე ვარ ხალხო. უსიყვარულოდ სევდიან გულებს უსიყვარულოდ ცრემლიან თვალებს ვიპოვი ვფიცავ ასეთ ვაჯკაცებს და დედოფლებად დავუსვამ ქალებს. მე სიყვარულის მშვილდი მაქვს ხალხო მაქვს სიყვარულის ოქროს ისრები დღეში ათ გოგოს და ათ ბიჭს ვსტყორცნი რომ შევაერთო მათი ფიქრები. მე ვაგვირგვინებ ყველას სიყვარულს არ მინდა ვინმე ეული ვნახო დაიმახსოვრეთ ჩემი სახელი მე სიყვარულის მეფე ვარ ხალხო უხერხულია შენ გერქვას ქალი შენში დევს ძალა რაღაც ღვთიური ქვეყნად ბევრია ლამაზი მაგრამ შენ ხარ ყველაზე ფანტასტიური. აეკიდება ყველა პოეტს შენი ზმანება შენი თვალებით შეიქმნება მუზა ულევი შენი ღიმილი გააღვივებს გრძნობას მიმალულს ამოიფრქვევა პოეზია გამოულევი. ძვირფასო შენთვის არ არსებობს ალბათ ოცნება რადგან ოცნების დედოფალი თავად შენახარ თვით რუსთაველიც კი დაწერდა ახალ პოემას შენი უმანკო სილამაზე რომ დაენახა. ენით აღუწერ სითბოს აფრქვევს შენი იერი ყოველი კაცი შემოგცქერის როგორც მშიერი ზოგი მათგანი სევდიანი გგიცქერს დუმილით ზოგი მათგანი იტანგება შენი წყურვილით შენი სურნელი დაუკარგავს ყველას გონებას შენი ტუჩები აიძულებს უხმოდ მონებას, ყოველი კაცი ცის ანგელოზს თუ ემონება შენს სილამაზეს ანგელოზიც დაემონება. |
|
|
|
| *ნინო* |
May 4 2008, 10:56 PM
პოსტი
#1051
|
|
Member ჯგუფი: Members პოსტები: 836 რეგისტრ.: 16-November 07 წევრი № 3,193 |
სანამ ცოცხალი ვარ , სანამ კვლავ ვარსებობ , სანამ გულში ცოცხლობს ამინდი მზიანი
მანამ მომეფერე , მანამ გამიფრთხილდი , მერე ყველაფერი იქნება გვიანი სანამ ძველებურად ბრუნავს დედამიწა , სანამ არ გამწირავს იღბალი ტიალი გულში ჩამიკარი გული არ მატკინო , მერე ყველაფერი იქნება გვიანი სანამ სიყვარული ისევ შემიძლია სანამ კვლავ მახარებს ფოთოლთა შრიალი ხელზე წაიკითხე ჩემი ბედის წერა , მერე ყველაფერი იქნება გვიანი მოვა დრო მიხვდები წარსულის შეცდომებს , აგარ გაგახარებს ფოთოლთა შრიალი მე ვეღარ დაგიხსნი ტანჯვა სამსხვერპლოდან მერე ყველაფერი იქნება გვიანი ბედის ირონია მწარედ ჩაგვიცინებს და აგატირებს შიჩუმის ტრფიალი , მარტო დარჩენილი სევდით გამიხსენებ მაგრამ დამიჯერე იქნება გვიანი სანამ ცოცხალი ვარ მანამ მომეფერე მერე ვერ მიშველის ხსენება ფიალით გული არ მატკინო , თორემ ცრემლების ღვრა , როცა არ ვიქნები იქნება გვიანი... გითხარი... გეწყინა,ბავშვივით გაწითლდი, ბავშვივით დამტუქსე თან: რა ცუდი ყოფილხარ... მომეშვი... გამცილდი... როგორ გამიბედე თქმა. არაო,თავს იქნევ,სასტიკად უარობ, მეძახი ცუდსა და შლეგს, მე კი, ასე ცუდი, მეგობრებს ვუამბობ როგორი კარგი ხარ შენ შენ ქარიშხალი გინახავს ზღვაზე? მოგისმენია გრიალი ზღვისა? იგი ბრაზდება საკუთარ თავზე როცა სიყვარულს უცქერის სხვისას. იცი რად არის გაბრაზებული? რად ახლის ნაპირს ტალღებს ქაფიანს? ზღვასაც ჰყოლია შეყვარებული და მერე რწმენა დაუკარგია. საკუთარ ტალღით მოუკლავს თურმე საკუთარ გულში დაუმარხია. და ეხლა როცა ბნელდება ზღვაზე როცა სიყვარულს უცქერის სხვისას. საკუთარ სატრფოს იგონებს დარდით და ეს გრიალი დარდია ზღვისა. |
|
|
|
| iisperiTOVLI |
May 6 2008, 05:23 AM
პოსტი
#1052
|
 Advanced Member ჯგუფი: Members პოსტები: 2,989 რეგისტრ.: 25-April 08 წევრი № 4,650 |
* მე დაჭრილი ვარ, უიარაღოდ, მე შენს სიყვარულს ვერ გავექეცი, ვერ იტყვი ჩემზე გული არ აქვსო. მე გული მქონდა და შენ მოგეცი *
-------------------- ჩემი ნაბიჯები წარმართე შენი სიტყვით და ნუ გააბატონებ ჩემზე ნურავითარ ბოროტს..
ნახე,სახიფათო გზაზე ხომ არ ვდგავარ და წამიძეხი მარადიულ გზაზე.. და ნუ შეხვალ სამართალში შენს მორჩილთან,რადგან ვერ გამართლდება შენს წინაშე ვერც ერთი არსება. ******************************************************************************** * ლოდი,რომელი შეურაცხჰყვეს მაშენებელთა ესე იქმნა თავკიდეთა.. |
|
|
|
| iisperiTOVLI |
May 6 2008, 06:50 AM
პოსტი
#1053
|
|
Advanced Member ჯგუფი: Members პოსტები: 2,989 რეგისტრ.: 25-April 08 წევრი № 4,650 |
***********************************************************ტკივილი
, გრძნობა პროტესტის, ვკვდები, მინდები... მე ამ ყველაფერს ერთადა ვგრძნობ, მგონი ვგიჟდები, თუ კი მომისმენ, დაფიქრდები, ალბათ მიხვდები, როგორც არასდროს, ეხლა ისე ძლიერ მჭირდები. მინდა, ხო მინდა, ეს მე მინდა, რომ კვლავ იცოცხლო, არც კი გაბედო ასი წელი კიდევ სიკვდილი, არ გამიმეტო, არ გამწირო, გთხოვ არ წახვიდე, გთხოვ, რომ მოიგო სიცოცხლისთვის ბოლო ჭიდილი. ჯერ ის ქორფაა, უსუსური, წმინდა, პატარა, სათუთი, თბილი და უმანკო ვით ზეციური, აცადე ტრფობას, სილამაზეს და სისპეტაკეს, აცადე გახდეს ანგელოზი ამ ქვეყნიური. უმისოდ რა ვქნა, სად წავიდე, ვის ვკადრო მეტი, თუ ბერი გავხდე, სადმე ქვაბში დავიდო ბინა, ისედაც წავალ, ოღონდ იგი აქ დარჩეს, თქვენ კი... ასეთი მსხვერპლი, რისთვის გინდათ გამაგებინა. მეტი რა გითხრათ წამიყვანეთ, მე მინდა, გესმით??? -------------------- ჩემი ნაბიჯები წარმართე შენი სიტყვით და ნუ გააბატონებ ჩემზე ნურავითარ ბოროტს..
ნახე,სახიფათო გზაზე ხომ არ ვდგავარ და წამიძეხი მარადიულ გზაზე.. და ნუ შეხვალ სამართალში შენს მორჩილთან,რადგან ვერ გამართლდება შენს წინაშე ვერც ერთი არსება. ******************************************************************************** * ლოდი,რომელი შეურაცხჰყვეს მაშენებელთა ესე იქმნა თავკიდეთა.. |
|
|
|
| Amuza |
May 6 2008, 05:18 PM
პოსტი
#1054
|
|
გიორგი ჯგუფი: Members პოსტები: 4,040 რეგისტრ.: 15-January 08 მდებარ.: GSE წევრი № 3,638 |
ლექსო, ამოგთქომ, ოხერო, თორო იქნება ვკვდებოდე
და შენ კი ჩემს სამახსოვროდ სააქაოზე რჩებოდე. გიმღერდენ ჩემებრ სწორები, ფანდურის ხმასა ჰყვებოდე, ქვეყანა მხიარულობდეს და მე საფლავში ვლპებოდე. ჩემო სახელო, ამქვეყნად დიდხანსამც იხსენებოდე, ჩემო ნათქომნო სიტყვანო, ნეტავი, გახქვეყნდებოდე, და ჩემო საფლავის კარო, შენამც კი აჰყვავდებოდე, გულო დარდითა, წყეულო, ნეტავ, არ დაშავდებოდე, სახლო, არ დაიშლებოდე, ცოლო, არ გასხთოვდებოდე! ნეტავინ, გულო კაცისავ, ძრიელ არ დაღონდებოდე, ფიქრო, შენ არა მტანჯავდე, როდისაც ჩავგონდებოდე. სუყველას გაუხარდება, რომ უდროვოდა ვკვდებოდე? იქნება, იყოს მისთანა, რომ მას არ ვავიწყდებოდე, ჩემზედ იტიროს მწარედა, ყოველთვის ვაგონდებოდე, ბევრჯერ მიტიროს გულითა, მანამდის დავმიწდებოდე?! ერთ ეგეც უნდა ვიფიქრო, ჩემს სიკვდილს ვინ იტირებსა, ვინ ჩამააბნევს ცრემლებსა, საქმეს ვინ გაიჭირებსა? მე ამას ვამბობ და ფიქრიც უთუოდ მინანდვილებსა, დედის მეტს ჩემი სიკვდილი არავის აატირებსა. თუმც ნათესავნი, და-ძმანი, აღარ აისხმენ ღილებსა, ბოლოს კი დავავიწყდები, ყველას სხვა დაათირებსა. თუმც ცოლიც კარგა მიტირებს, ქვეყანას გააკვირებსა, ცოტა ხნის შემდეგ ისიც კი სხვას ვისმე გაუცინებსა. მეზობელებიც მიტირებს, ძალად დაჰკრეჭენ კბილებსა, კიდევაც ვიტყვი, დედის გულს მე ვერვინ გამაცილებსა, სუ იმის გულში ვიქნები, ძილსაც ვერ დაიძინებსა. და სხვას მე ვის რა მოვკითხო? სუყველა მოილხინებსა, მალე დაუსმენ თითებსა თავის ფანდურის სიმებსა. ვენაცვლე ძუძუთ გამზდელსა, გულით ის დამიტირებსა! დედას ვუყვარვართ და დედა არ გვაგონდება შვილებსა, იმათა გვტანჯავს უფალი, ყოველთვის გვაცოდვილებსა. მიხა ხელაშვილი 1919 წელი. ბარისახო -------------------- ღვინო ახალისებს, გულს კაცისასა!
|
|
|
|
| Amuza |
May 6 2008, 05:39 PM
პოსტი
#1055
|
|
გიორგი ჯგუფი: Members პოსტები: 4,040 რეგისტრ.: 15-January 08 მდებარ.: GSE წევრი № 3,638 |
მოვა სიკვდილი უჩინო
წარმავალია ნათელი, სულ მოსაჩვენრად ბრწყინდება, ბინდისფერია სოფელი, უფრო და უფრო ბინდდება, რა არი ჩვენი სიცოცხლე, ჩიტივით გაგვიფრინდება, ჩვენს ნასახლარზეც ოდესმე ბალახი აბიბინდება. იმასაც მოკლედ უვლია, გრძლად ვინც გვეგონა იარა. შუქს ბნელი შესჭამს, ვარდს - ჭია, კაცის გულს - ჯავრის იარა, მოვა სიკვდილი უჩინო, ერთ წამში აგყრის იარაღს; ჩვენ რას წავიღებთ ამ სოფლით, სხვას არა წაუღია რა. შენიშვნა: ხალხური ლექსი, რომლის ბოლო, წითლად გაფერადებული სტრიქონები ეკუთვნის მიხა ხელაშვილს. -------------------- ღვინო ახალისებს, გულს კაცისასა!
|
|
|
|
| T I K O |
May 6 2008, 05:49 PM
პოსტი
#1056
|
 Advanced Member ჯგუფი: Members პოსტები: 2,328 რეგისტრ.: 14-January 08 წევრი № 3,632 |
Amuza
ციტატა ლექსო, ამოგთქომ, ოხერო, თორო იქნება ვკვდებოდე და შენ კი ჩემს სამახსოვროდ სააქაოზე რჩებოდე. გიმღერდენ ჩემებრ სწორები, ფანდურის ხმასა ჰყვებოდე, ქვეყანა მხიარულობდეს და მე საფლავში ვლპებოდე.... http://church.ge/index.php?showtopic=4000&st=40 მაგ ლექსზე ამ თემაში დავწერე ადრე ხელაშვილისაა-თქო და შემისწორეს შალვა ახალციხელის არისო, ისე ხელაშვილის კრებულშია შესული  როგორც ჩანს, რამდენიმე სტროფი მიამატა ბატონმა მიხამ -------------------- An eye for eye only ends up making the whole world blind.
|
|
|
|
| Amuza |
May 6 2008, 06:19 PM
პოსტი
#1057
|
|
გიორგი ჯგუფი: Members პოსტები: 4,040 რეგისტრ.: 15-January 08 მდებარ.: GSE წევრი № 3,638 |
ციტატა(T I K O @ May 6 2008, 05:49 PM)  Amuza http://church.ge/index.php?showtopic=4000&st=40 მაგ ლექსზე ამ თემაში დავწერე ადრე ხელაშვილისაა-თქო და შემისწორეს შალვა ახალციხელის არისო, ისე ხელაშვილის კრებულშია შესული როგორც ჩანს, რამდენიმე სტროფი მიამატა ბატონმა მიხამ მთლიანად მიხა ხელაშვილის არის, უბრალოდ მცდარი ვერსია გაავრცელეს. -------------------- ღვინო ახალისებს, გულს კაცისასა!
|
|
|
|
| *ნინო* |
May 8 2008, 10:01 PM
პოსტი
#1058
|
|
Member ჯგუფი: Members პოსტები: 836 რეგისტრ.: 16-November 07 წევრი № 3,193 |
სულ მელანდები და ვერ ვხვდები რა მემართება,
რად ამედევნა აჩრდილივით შენზე ფიქრები... იქნებ ღიმილი, მწველი მზერა, ხმა მენატრება, ალბათ მჭირდები, უსაშველოდ, ძლიერ მჭირდები! ციურ ფერებში დავინახე შენი ხატება, მსურდა ოცნებით ღრუბლებს ზევით გამოვყოლოდი... ჩვენს სურვილებში ვერ ვიპოვე რამე მსგავსება და აქ, მიწაზე უიმედოდ, მაინც გელოდი... დრო გადიოდა, მე გელოდი, ისევ გელოდი, დღეთა დინებამ ვერ წაშალა ძველი ფიქრები... როგორ მინდოდა წუთით მაინც გვერდზე მყოლოდი... მჭირდები კარგო, ტკივილამდე, ძლიერ მჭირდები ერთად წამართვი ყველა გრძნობა თუკი გწადია, ამითი მაინც არაფერი შეგემატება, წაურთმევლადაც შენი არის რაც გამაჩნია, რადგან თავადაც შენ გეკუთვნი ჩემო არსებავ. თუ სიყვარულმა გიკარნახა ჩემი გაძარცვა, მადლობას გეტყვი სულში ასე რომ ითარეშე, მაგრამ ვაი თუ თავს იტყუებ ტრფობის ტაძართან და გულს მიქურდავ ჭეშმარიტი გრძნობის გარეშე. შენდობას გეტყვი მშვენიერო ჩემო მძარცველო, სულით ღარიბი ბოლომდე რომ გამაღატაკო, მე მირჩევნია გულახდილმა ზიზღმა გამთელოს, ვიდრე მიჯნურის უსაფუძვლო წყენამ დამდაღოს, მოხიბლული ვარ და სიავეც აღარ მაძრწუნებს კიდეც რომ მომკლა შენს მტრობაში ვერ დამარწმუნებ |
|
|
|
| kh@tia |
May 13 2008, 12:32 PM
პოსტი
#1059
|
 Member ჯგუფი: Members პოსტები: 123 რეგისტრ.: 28-March 08 წევრი № 4,349 |
არ ვყვარებივარ ისე არავის
როგორც მე ვგრძნობდი ამ ცეცხლს თავიდან, ეჭვის ლეკები მომიპარავენ და წამიღებენ ლამისყანიდან. მაინც მოვაღწევ კვლავ ფეხშიშველი შენთან, რომ ღამე გითიო თორემ შენ სად გაქვს ჭერი იმხელა მე სემიფარო და დამიტიო. -------------------- აღვსება ყოველთა კეთილთა შენ ხარ ქრისტე ღმერთო,
აღავსე სიხარულითა და მხიარულებითა გული ჩემი და მაცხოვნე მე,რამეთუ შენ ხარ ღმერთი მრავალმოწყალე. |
|
|
|
| ლილიანა |
May 13 2008, 12:55 PM
პოსტი
#1060
|
 Advanced Member ჯგუფი: Moderator პოსტები: 4,439 რეგისტრ.: 18-August 06 წევრი № 78 |
ციცო
მურმან ლებანიძე წყაროზე ჩაგიყვანს და არ დაგალევინებსო, მწყურვალს დაგტოვებსო, ჩაჰყვები ვინცო, ცოლ-შვილს გაგყრის და აგარევინებსო _ შენზე თუ უთქვამთ, პატარა ციცოვ! მე იმ ასაკში არ ვარ ახლა და არც იმ ჭკუაზე _ ცოლ-შვილს გავეყარო! მაგრამ შემომიჩნდა სურვილის მახრა და პატარა ციცოვ, უნდა დამეხმარო! ხოლო ციცუნია ტოლებში დაქრის და შენი მახრა ფეხზე ჰკიდია, თუმცა სავსე მკერდი მიუგავს სახნისს და ეს შეახსენებს, რომ უკვე დიდია! ისე ჩამოგივლის მიწაგასახეთქი, ვითომც ქვეყანაზე მარტო ის ერთია. როგორც ხეჭეჭური, ქვაზე დასათხლეში _ ციცო ისეთია! წყაროზე ჩაგიყვანს და არ დაგალევინებსო, მწყურვალს დაგტოვებსო, დაჰყვები ვინცო, ცოლ-შვილს გაგყრის და აგარევინებსო _ შენზე თუ უთქვამთ, პატარა ციცოვ! ამ თემისთვის არატრადიციული შინაარსის და ხასიათის ლექსი კი შემოგთავაზეთ მაგრამ იმედია არ გაწყრებით  ციტატა როგორც ხეჭეჭური, ქვაზე დასათხლეში _ ციცო ისეთია! გენიალურია , ამას მოფიქრება ხო უნდა : ) მიყვარს მურმან ლებანიძე მეშინია! მურმან ლებანიძე ეს სოფლები: ეს ლიქოკი, ეს არხოტი, ცარიელა ეს პარტახი საიგავო, მეშინია, ეს სამოთხე, ეს წალკოტი სხვა არავინ მოვიდეს და დაიკავოს! შქმერს სათიბზე არ დავობენ მეზობლები, ძაღლი არ ჰყეფს, ძაღლი არ ჰყეფს ბარისახოს! ვაითუ ვინმეს მოეწონოს ეს სოფლები, ვაითუ ვინმე მოვიდეს და დაესახლოს! ეს სხიერი, ეს ლიქოკი, ეს არხოტი არ ჩააქრო, არ ჩააქრო! _ გაფიცებდი. არ წააგო, არ წააგო ეს წალკოტი! _ დამიხსომე, ასი წლის წინ გეძახოდი, დამიხსომე, განჯღრევდი და გაღვიძებდი! " მე ლექს ვუწოდებ მოვარნილ მეწყერს როგაგიტანს და ცოცხლად დაგმარხავს " ციტატა(Amuza @ Apr 30 2008, 08:00 PM) ტანს გეტმასნება სველი ალერდი, ჭვირვალი კაბა გიმხელს თეძოებს და აზიდული მაღალი მკერდით მიეფინები მწვანე ეზოებს. დაქნილი ფრჩხილით ტაროებს კორტნი და ტაროც ხვდება ძუძუს რძიანი, გაკოცებს ხაო სიმინდის ფოჩის და ატევრილი სხეულმზიანი, როგორც ავაზა, შენ, ტანხურვალი დაეძებ კუროს რომ დაგიურვოს. გხედავ და ვიცი შენი კუნთები დათესლილია ჩემი სურვილით... წამოვიწევი და გავარდები გადალეწილი მხეცის წყურვილით... და გავარდები, დაგედევნები, თეთრი მუხლები თითქო ჰკივიან, შენი ვარ, შენი, მოდი გევნები... მეც დაგეწევი და ცხელწვივიანს აგიყვან ხელში და გადაგისვრი დიდ საწნახელში, რომ შენი ტანით დავჭყლიტო მაგრად მწიფე მტევნები... მაგრამ თვალები, თვალები, თვალები, უნდობი ტალღა და ხვლიკი ლუში, ათასი ქალი და ყველა მრუში, აშარა თუ ხარ, კახპა და ურცხვი, გწყურია ვაჟი, უცხო და უცხო... არა ხარ ჩემი, არ ხარ არვისა, თუმც არასოდეს არ ხარ უარზე. იცოდე მოვგრეხ ნებას ყუაზე, ერთბაშად შეგსვამ ღვინოს ქარვისას და შენი თმების წითური მორგვით მიგაბამ მაგრად ცხენის ძუაზე... მაგრამ თვალები, თვალები, თვალები, ეხლა მადონნა, წმინდა, ხასხასა, რა გიყო მე შენ უძღებო ხასავ ? აგამზეურებ, როგორც შუბისტარს ირუბაქიძის.... და ერთხელ კიდევ გასუდრულ მტევანს გაგშოლტავ ლოშნით... მაგარია -------------------- 21. შემიწყალეთ მე, შემიწყალეთ მე, ჵ მეგობარნო ჩემნო, რამეთუ ჴელი უფლისაჲ შეხებულ არს ჩემდა.
|
|
|
|
| kh@tia |
May 13 2008, 01:18 PM
პოსტი
#1061
|
|
Member ჯგუფი: Members პოსტები: 123 რეგისტრ.: 28-March 08 წევრი № 4,349 |
მიხეილ ქვლივიძე
ქალი აქ იჯდა სწორედ ამ ადგილზე, ზღვა ფერხთით ეწვა და ტანზე მარტო ოქროსფერი სხივები ეცვა, და ოქროსავით უგრძნობელი, მაგრამ გრძნეული, თვალის მომჭრელად ლაპლაპებდა მისი სხეული. ოქროს ემბაზი, მარტოოდენ ფორმა და ხაზი... და ამის მადლით ეძლეოდა ყველაფერს აზრი... -------------------- აღვსება ყოველთა კეთილთა შენ ხარ ქრისტე ღმერთო,
აღავსე სიხარულითა და მხიარულებითა გული ჩემი და მაცხოვნე მე,რამეთუ შენ ხარ ღმერთი მრავალმოწყალე. |
|
|
|
| iisperiTOVLI |
May 19 2008, 12:24 AM
პოსტი
#1062
|
|
Advanced Member ჯგუფი: Members პოსტები: 2,989 რეგისტრ.: 25-April 08 წევრი № 4,650 |
ატმის რტოო, დაღალულო რტოო
ატმის რტოო, დაღალულო რტოო, ატმის რტოო, სიმშვიდეა შორი, ქარიშხალი მოდის საიმდროო, ყვავილების ქარში მიქრის ტბორი. მოცდა არ ღირს, თუ ისევე უცდი, ამ გრიგალში დრო არ არის სხივის, დაღალული ყვავილი ხარ სუსტი, ქარი ყივის, ქარი ყივის, ყივის. ნაპრალებზე გადაიმსხვრა ნარგი, ეხლა ზღვაა, ეხლა სისხლის დროა, თუ გადარჩი, ხომ გადარჩი, კარგი... ატმის რტოო, დაღალულო რტოო... -------------------- ჩემი ნაბიჯები წარმართე შენი სიტყვით და ნუ გააბატონებ ჩემზე ნურავითარ ბოროტს..
ნახე,სახიფათო გზაზე ხომ არ ვდგავარ და წამიძეხი მარადიულ გზაზე.. და ნუ შეხვალ სამართალში შენს მორჩილთან,რადგან ვერ გამართლდება შენს წინაშე ვერც ერთი არსება. ******************************************************************************** * ლოდი,რომელი შეურაცხჰყვეს მაშენებელთა ესე იქმნა თავკიდეთა.. |
|
|
|
| შევრდომილი |
May 19 2008, 03:29 PM
პოსტი
#1063
|
 მ ა გ დ ა ჯგუფი: Members პოსტები: 459 რეგისტრ.: 1-February 07 წევრი № 987 |
ის მაინც ბრუნავს
(მიხეილ ქვლივიძე) ის მაინც ბრუნავს! ღმერთმა ნუ ქნას გიორგი ჩემო დავცხრეთ, დავწყნარდეთ და სიცოცხლის დავკარგოთ გემო, და დავივიწყოთ სიყვარულის ძველი ზღაპარი, და სატრფოს მხრებზე დაფენილი ლომის ფაფრი არ იყოს ჩვენი შთაგონების თავშესაფარი. ის მაინც ბრუნავს! ღმერთმა ნუ ქნას ჩემო ძმობილო დავცხრეთ, დავწყნარდეთ, აღარ ვიყოთ უკმაყოფილო საკუთარ ბედით, უბედობით, ნამოღვაწარით, ყველაფრით ჩვენში რაც არსებობს, სხვებში რაც არი, ღვინოს ვსვამდეთ და არ გვათრობდეს ღვინო ალალი, სათქმელზე უფრო მეტი გვქონდეს დასამალავი, შეძენის ჟინმა გაგვიქარწყლოს ხარჯვის ხალისი, საკუთარ სახელს ვამჯობინოთ ყალბი ხარისხი, ჩვენი სახლები დავამსგავსოთ სოროს ან ბუნაგს და დავივიწყოთ შეძახილი: ის მაინც ბრუნავს! ია მაინც ბრუნავს! მაინც ბრუნავს! ბრუნავს ტიალი, არ მოგვეშალოს ჩვენც ეს ბრუნვა და ხეტიალი, მუდმივი ქროლვა, არა მალვა_თავის დანდობა, არ დარდისაგან მოდუნება_დარდიმანდობა. და მუდამ, მუდამ სიახლისკენ სწრაფვა ველური და ჭირსა შიგან გამაგრება რუსთაველური და მტკიცე ქედი, ქედი ძნელად გასაღუნავი, და გაჭირვების ჟამს სიცილის შნო და უნარი. და თუ ოდესმე ამ სიცილის დავკარგავთ უნარს, სხვამ დაიძახოს ჩვენს მაგივრად: ის მაინც ბრუნავს! -------------------- "ღმერთო, მაღალო, შემეწიე
სასურველად მხოლოდ ის მექნას, რაც შენკენ სავალ გზას მაჩვენებს, შენთან მომიყვანს." |
|
|
|
| iisperiTOVLI |
May 20 2008, 02:17 AM
პოსტი
#1064
|
|
Advanced Member ჯგუფი: Members პოსტები: 2,989 რეგისტრ.: 25-April 08 წევრი № 4,650 |
* * *
კაცმა არ იცის, იცის ჭადარმა, ხემ და პოეტმა იციან მარტო, ქალი ქუჩაზე როცა გადარბის, რატომ იცინის უმისამართოდ. კაცმა არ იცის, იცის ღრუბელმა, ცამ და პოეტმა იციან მარტო, ქალი წვიმაში რომ ილუმპება, რატომ იცინის უმისამართოდ. -------------------- ჩემი ნაბიჯები წარმართე შენი სიტყვით და ნუ გააბატონებ ჩემზე ნურავითარ ბოროტს..
ნახე,სახიფათო გზაზე ხომ არ ვდგავარ და წამიძეხი მარადიულ გზაზე.. და ნუ შეხვალ სამართალში შენს მორჩილთან,რადგან ვერ გამართლდება შენს წინაშე ვერც ერთი არსება. ******************************************************************************** * ლოდი,რომელი შეურაცხჰყვეს მაშენებელთა ესე იქმნა თავკიდეთა.. |
|
|
|
| iisperiTOVLI |
May 24 2008, 03:57 AM
პოსტი
#1065
|
|
Advanced Member ჯგუფი: Members პოსტები: 2,989 რეგისტრ.: 25-April 08 წევრი № 4,650 |
ლადო ასათიანი
კალმახები სასოფლო-სამეურნეო გამოფენაზე საქართველოს პავილიონის შესავალთან მარმარილოს აუზში დგაფუნობს კალმახი. გაისმა უცებ “ლილე” ამაყი, მთების ბუნების ჰიმნი სვანური და ადგაფუნდა წყალში კალმახი, მკვირცხლი და მარად მოუსვენარი. ერთი მეორეს შეეხო ფრთებით და კალმახები შეყარა ალყად, თუ გაახსენდათ სვანეთის მთები და შფოთიანი ენგურის ტალღა?! გაგიგონიათ კალმახი შედგეს? ვერ მოისვენებს, თუ არ გაცურა... და დაეჯახა აუზის კედლებს ფარა ფერადი მამაკაცურად. ვინ იტყვის აბა, რა ხმას მოჰგავდა მათი ფარების ცემა გმირული, - ენგური იყო, იგი ბორგავდა, მუდამ შლეგი და თავგანწირული. ძალა ჰქონია ვაჟკაცურ “ლილეს”, წუთით თევზებმაც აიდგეს ენა, მოიგონებდნენ ენგურის ჩრდილებს, მოიგონებდნენ მშობლიურ კერას. და მხნე უტევდნენ პატარა სივრცეს ჩქარი ტალღების ლაღი მდევრები, წვრილ-წვრილ ვარსკვლავებს ისროდნენ ცისკენ და ლაპლაპებდნენ ვით სატევრები. გაიოცებდა ხალხი მშრომელი მათს გახელებას და ამღერებას, და მოსკოველი სტახანოველი იდგა, უმზერდა საკვირველებას. იდგა აუზთან მაღალი კაცი, მზისგან დამწვარი დიდი ხელებით, უკვირდა, როგორ ელავდნენ წყალში ნაირ-ნაირი ცისარტყელები. და ბოლოს, როცა შრომის არსენამ თვალით განჭვრიტა გზა სამერმისო, შთაბეჭდილების წიგნში ჩაწერა, - საქართველოში თევზიც მღერისო. რატი ამაღლობელი ცა მზეს ჩაუსაფრდა ცისკართან ფიქრი ფრინველის ნისკარტით. ცაო, სივრცეებს მზის გარდა მელან-იისფრად ნისლავდი. ფრთებზე ოცნება გეწერა ტანზე ბინდების ზეწარი. მინდოდა ჩემი თვალების სარკეში ამომეცანი. ვცურავდი მელნის ნისლისკენ წითელლაქება სიზმრებით - ახლა არ ვიცი სისხლისგან ღვინოს ვწურავ თუ ვიცლები. -------------------- ჩემი ნაბიჯები წარმართე შენი სიტყვით და ნუ გააბატონებ ჩემზე ნურავითარ ბოროტს..
ნახე,სახიფათო გზაზე ხომ არ ვდგავარ და წამიძეხი მარადიულ გზაზე.. და ნუ შეხვალ სამართალში შენს მორჩილთან,რადგან ვერ გამართლდება შენს წინაშე ვერც ერთი არსება. ******************************************************************************** * ლოდი,რომელი შეურაცხჰყვეს მაშენებელთა ესე იქმნა თავკიდეთა.. |
|
|
|
| ბიძია თომა |
May 29 2008, 12:53 PM
პოსტი
#1066
|
 t.d ჯგუფი: საფინანსო პოსტები: 8,628 რეგისტრ.: 29-September 07 მდებარ.: თბილისი წევრი № 2,858 |
ნისლი 15:59
- რას ფიწრობ, ნისლო, ტიალო, შემჯდარო გორის ფხაზედა? განა შენც რამე გაწუხებს ამ ოხერ ქვეყანაზედა? იქნება მტერი დაგეცა, რისხვა გაწვიმა თავზედა, ან იქნებ შენი მიჯნური შენს რაყიფს უწევს მკლავზედა? გან შენაც იცი ჯავრობა, რისხვიტ ანთება წამზედა? შენაც თუ იცი ტირილი, ცრემლის დაგუბვა თვალზედა? ან თუკი გრძნობ რას ამ ქვეყნად, ჰფიქრობ ავსა და კარგზედა? - ჰაი, ჰაი, რომ მეც ვფიქრობ, შესხმა მეც ვიცი ფრთებისა, თავად ფიქრი ვარ, ნაფიქრი დიდის მაღალის მთებისა; გული მეც გამიხარდების, რისხვითაც ამენტებისა; მეაც შემიძლი ჯავრობა, თვალზედაც ცრემლი მწვთებისა, ჩემი ცრემლია, დილით რომ ბალახზე ნამი დგებისა; მეაც შემიძლი ალერსი ჩემი ძმების და დებისა; თუმც კი მაღლა ვარ მთაზედა, დარდი მე აქაც მწვდებისა; მეაც მყავ ჩემი ნანდობი - მწვანე კალთები მთებისა, იმათ ენაცვლოს ჩემ თავი, ეს გული მათთვის ჰკვდებისა! 1940 წელი არჩილ კიტოშვილი თუმც ლამაზია 17:54 * * * თუმც ლამაზია ზღვისპირს მდგარი შიშველი ქალი მაგრამ რატომღაც არ გამირბის მე მისკენ თვალი კაბას და ჩექმას რომ აცილებს სულ ერთი გოჯი მისი მონა ვარ , მისითა ვარ შლეგი და მთვრალი დასაცლელი სჯობს, სულ არ მიყვარს დაცლილი თასი მოწყვეტილ ვარდსაც ეკარგება ეშხი და ფასი მიზნისკენ ლტოლვა მუდამ მიჯობს მის აღსრულებას ოცნებასა და სწრაფვაშია სიცოცხლის არსი თუმც ლამაზია 17:54 * * * თუმც ლამაზია ზღვისპირს მდგარი შიშველი ქალი მაგრამ რატომღაც არ გამირბის მე მისკენ თვალი კაბას და ჩექმას რომ აცილებს სულ ერთი გოჯი მისი მონა ვარ , მისითა ვარ შლეგი და მთვრალი დასაცლელი სჯობს, სულ არ მიყვარს დაცლილი თასი მოწყვეტილ ვარდსაც ეკარგება ეშხი და ფასი მიზნისკენ ლტოლვა მუდამ მიჯობს მის აღსრულებას ოცნებასა და სწრაფვაშია სიცოცხლის არსი -------------------- უფალო, იესო ქრისტე, ძეო ღვთისაო, შემიწყალე მე ცოდვილი
|
|
|
|
|
ამ თემას კითხულობს 1 მომხმარებელი (მათ შორის 1 სტუმარი და 0 დამალული წევრი)
0 წევრი:
| მსუბუქი ვერსია | ახლა არის: 8th April 2026 - 04:32 AM |
მართლმადიდებლური არხი: ივერიონი
ფორუმის ელექტრონული ფოსტა: იმეილი
CHURCH.GE-Powered by Giorgi and IPB. Hosting by WebHostinG.Ge
2026
Licensed to: church.ge